Ҳамешабаҳор (китоби аввал)

Муаллиф: Хайрандеш
Ношир: «Ношир»
Саҳифа: 208
Соли нашр: 2020
Навъи файл PDF
Ҳаҷми файл: 810 Кб
Гирифтани китоб
Гирифтанд: 43 нафар

 


Дар бораи китоб:

Маҷмӯаи тозанашри устод Хайрандеш дарбаргирандаи ғазалҳои нобу хондании шоир мебошад, ки моҳи ноябри соли равон дар нашриёти “Ношир” ба табъ расида аст.


Дар бораи муаллиф:

Хайрандеш (Қурбонов Хайриддин Шарифович) 4 апрели соли 1961 дар деҳаи Чагами Болои ноҳияи Шамсиддини Шоҳин (собиқ ноҳияи Шӯрообод) дар оилаи омӯзгор таваллуд шудааст.
Мактаби миёнаро то сннфи нуҳум дар зодгоҳаш хонда, як соли охир дар мактаби миёнаи рақами 30-и ноҳияи Коммунистӣ (ҳоло Кӯшониён) таҳсил намуда, онро соли 1977 хатм кардааст. Баъди хатми мактаби миёна як сол роҳбари маҳфили хониши адабии Хонаи пионерони шаҳри Қӯрғонтеппа (ҳоло Бохтар) буд.
Соли 1978 ба факултаи филологияи тоҷики Донишгоҳи давлатии Тоҷикистон дохил шуда, онро соли 1983 хатм намуд ва то соли 1993 дар мактаби рақами 40-и ноҳияи Кӯлоб омӯзгори фанҳои забон ва адабиёти тоҷик буд. Баъдан, то соли 1999 ба ҳайси нозири калони Маркази иттилоотии раёсати гумруки вилояти Хатлон кор кардааст.
Ҳамзамон аз соли 1997 то соли 2006 вазифаи директории Гимназияи ибтидоии «Хайрандеш»-ро ба уҳда дошт, ки муассиси гимназия худи шоир Хайрандеш буд.
Солҳои 2001-2006 котиби масъули шуъбаи Иттифоқи нависандагони Тоҷикистон дар вилояти Хатлон буд.
Аз 1-уми июли соли 2006 то 31 майи соли 2007 вазифаи муовини сармуҳаррири нашрияи «Иқтисод ва ҳаёт»-ро ба уҳда дошт.
Аз 10 июни соли 2007 то 2 феврали соли 2009 ба ҳайси роҳбари маҳфили «Оламафрӯз»-и Маркази ҷумҳуриявии корҳои тарбиявии беруназмактабии назди Вазорати маорифи Ҷумҳурии Тоҷикистон фаъолият мекард.
Як муддат дар Донишгоҳи иқтисодии Тоҷикистон ҳамчун мушовири кафедраи забонҳо адои вазифа кардааст.
Аз соли 2009 то соли 2011 корманди китобхонаи ба номи Абулқосим Лоҳутии шаҳри Душанбе буд.
Солҳои 2011-2012 сармуҳарририи нашрияи «Шарқи озод»-ро ба уҳда дошт.
Аз 2-юми апрели соли 2012 то 1-уми августи соли 2012 ба ҳайси сармутахассиси шуъбаи «Таҳрир ва интишорот»-и Китобхонаи миллии Тоҷикистон фаъолият кардааст.
Солҳои 2012-2014 сардори шуъбаи «Таҳрир ва интишорот»-и Китобхонаи миллии Тоҷикистон буд.
Солҳои 2014 – 2016 сармутахассиси шуъбаи Тарғиб ва баргузории чорабиниҳои фарҳангии Китобхонаи миллии Тоҷикистон буда, аз соли 2016 то ин дам сармутахассиси шуъбаи Маркетинг ва менеҷменти Китобхонаи миллии Тоҷикистон мебошад.
Ҳамзамон аз 4-уми январи соли 2016 то ин дам сармуҳарририи нашрияи «Пайрав»-и Вазорати маориф ва илми Ҷумҳурии Тоҷикистонро низ ба уҳда дорад.
Аз 15 – уми сентябри соли 1981 ҷамъияти адабиеро бо мақсади дастгирии навқаламон ва адибони ҷавон бо номи Маҳфили Хайрандеш таъсис додааст, ки он дар шаҳрҳои Кӯлоб ва Бохтар амал карда, фаъолияти ин маҳфил имрӯзҳо дар Китобхонаи миллии Тоҷикистон идома дорад. Маҳфили Хайрандеш дар Китобхонаи миллии Тоҷикистон ба се қисмат ҷудо мешавад: маҳфили «Ҳамешабаҳор», маҳфили «Равшандилон» ва маҳфили «Дунёи китоб».
Хайрандеш таъсисдиҳандаи Маркази тоҷикшиносӣ дар собиқ Китобхонаи ҷумҳуриявии ба номи Абулқосим Фирдавсӣ ҳаст, ки ин Марказ имрӯз дар Китобхонаи миллии Тоҷикистон низ фаъолият дорад.
Шоир ба кишварҳои зиёд, аз ҷумла ба Россия, Эрон, Афғонистон, Ҳиндустон, Хитой ва Туркия сафар кардааст.
Аълочии матбуоти Ҷумҳурии Тоҷикистон, Аълочии фарҳанги Ҷумҳурии Тоҷикистон, Аълочии маорифи Ҷумҳурии Тоҷикистон.
Узви Иттифоқи нависандагони Тоҷикистон – аз соли 1997.
Оиладор. Соҳиби се фарзанд: ду духтар, як писар ва набераҳо.



Добавить комментарий

Ваш адрес email не будет опубликован. Обязательные поля помечены *